20090102, eddie

Fuji mini 7s, photo by E
20090102
Hong Kong，China

打劫shopkeeper！
令心情好轉的最快方法就係 shopping*

昨天店員打比我說之前買左但未有貨的衫有得羅啦，yo~　
咁我去到，自然唔止羅走衫咁簡單，都係忍唔到手買多野。(之前己經忍住，去到TST呢個咁危險既地方，越過許多間 60%off 的店無入，算乖架啦~ ^_^ he ）
呢個「打劫頸巾」就係最愛之一，用途太多，係口水肩、扮八爪魚、扮cute......最緊要既function係-----＞打劫
買完野仲可以劫番個店員，實在有賺(=.=到底有無呢，應該係店員用個「打劫頸巾」黎反打劫返我才對啊 XD...hahaha)

----------------
shopping 病癥

朋友I經常也會寫她的shopping item，我有時也會。
shopping係我不可缺既活動，不嬲都好大洗既我，基本上無咁多錢都要買，買少ｄ買平ｄ都要買。曾經也欠下咭數，後來人工高左ｄ就慢慢還晒。不過整個人還是沒錢淨，每天為了錢唔返工唔得。但我本身唔仲意錢，我只想買野和食野（相信好多人都係）。我無興趣要數我錢行有幾多個零頭，我寧買多件衫，買多本書，食多一餐......

之前為左錢也同E吵過架，真是有史以來的吵架。他看著我不停地買買買，係呢個經濟唔好既時刻真係火都黎埋。雖然我洗我的錢，但自問也買得太誇，越是忙碌的月份，越小時間shopping 但也買得凶，可能一走入是旦一家店己經買千幾二千蚊（太貴我買唔起架！）既無謂野，買左返屋企後放係度等佢風化都未拆開，或者用左一次覺得唔仲意了，買時叫生叫死話一定仲意一世既情況，實在太多啦。事後覺得後悔和內疚，都告戒自己要買小ｄ要慳d，不過無用，呢個月唔係買衫，咁就係買相機，一係就買書......總之未停過 ，每一次的讖悔都係廢話...>_<...

我對就呢種不斷的循環覺得好煩，好討厭又繼續做：
不斷買野-->讖悔一陣-->忘記左，不斷買野-->讖悔一陣-->忘記左，不斷買野......

我想，其實我想買的不是那些東西，而是想要「去買野」這個活動。 ^_^　
可能呢個係物質豐富既城市人的通病 ^_^　因為「去買野」呢個活動中，我真正得到既野係過多「買到既野」本身(寫到好複雜咁添）或者係，我根本唔係想買d野返屋企，而係要「買野」既感覺，覺得辛苦左成日，都係要得到番d「野」姐，學FZ話齌，係「心理治療」黎既。幸好我未係沉迷shopping 到一身咭數清唔，或者做shopping專家，所以我都未洗去睇醫生食藥住 XD hahaaaa